آغا حشر کاشمیری

آغا حشر کاشمیری
معلومات شخصیت
ڄمݨ	4 اپریل 1879ء   بنارس
وفات	28 اپریل 1935ء (56 سال)  لاہور
مدفن	میانی صاحب قبرستان
شہریت	برطانوی ہند
عملی زندگی
کم	مصنف ،  شاعر ،  فلم ہدایت کار
پیشہ ورانہ زبان	اردو
	IMDB پر صفحات

آغا حشر کاشمیری (ڄمݨ دی تریخ: 4 اپریل 1879ء – وفات دی تریخ: 28 اپریل 1935ء) اردو زبان دے شاعر، خطیب، مناظر اتے فلمساز ہووݨ دے علاوہ ڈراما نگاری دے میدان وچ اردو زبان دے شیکسپیئر سݙیندے ہن۔

آغا محمد حشر ابن آغا غنی شاہ بنارس وچ 1879ء وچ پیدا تھئے تعلیم و تربیت بنارس وچ تھئی۔ آپ دے والد مذہبی معاملات وچ قدامت پسند ہن۔ ایں واسطے آغا حشر ابتدا وچ انگریزی تعلیم توں محروم رہے۔ دینیات دی تعلیم مولوی عبد الصمد توں حاصل کیتی اتے سولہ پارے حفظ کیتے۔

آغا حشر موزوں طبیعت رکھدے ہن۔ چھوٹی عمر وچ شعر آکھݨ لڳے اتے فائز بنارسی کوں کلام ݙکھاوݨ لڳے۔ مہدی حسن احسن لکھنوی مشہور ڈراما نویس نال جھڑپ تھی ونجݨ تے ڈراما نگاری دا خیال پیدا تھیا۔ چنانچہ 1897ء وچ آپ دا پہلا ڈراما (آفتاب محبت) دے ناں توں شائع تھیا جیہڑا ٻہوں مقبول تھیا۔ آغا حشر نے انوی سال دی عمر وچ ڈراما نگاری وچ ناں پیدا کر ڳھدا ہئی تاہم او اڳوں چل تے اردو زبان دے شیکسپیئر سݙوائے۔ آغا حشر نے انگریزی زبان سکھیا اتے شیکسپیئر اتے ٻئے غیر ملکی ڈراما نویساں دے ڈرامے پڑھئے اتے بعض دا اردو وچ ترجمہ کیتا۔ آپ نے نظمیں وی لکھیاں اتے غزلاں وی لکھیاں۔ 1935ء وچ لاہور وچ فوت تھئے اتے اتھائیں دفن تھئے۔

آغا حشر نے بے شمار ڈرامے لکھے جنہاں وچ خواب ہستی، رستم و سہراب، مرید اشک، اسیر حرص، ترکی حور، اکھ دا نشہ، یہودی دی دھی، خوبصورت بلا، سفید خون ٻہوں مشہور ہن۔

ٻیا ݙیکھو

• اردو ادب
• ڈراما

کتابیات

• وقار عظیم : آغا حشر اور اُن کے ڈرامے، مطبوعہ اُردو مرکز، گنپت روڈ، لاہور، مئی 1960ء
• جاوید نہال: مجلہ قند، ڈراما نمبر، 1961ء
• عبد العلیم نامی: اُردو تھیٹر، حصہ دؤم۔
• ڈاکٹر مسز شمیم ملک: آغا حشر کاشمیری، حیات اور کارنامے، مطبوعہ مجلس ترقی ادب، لاہور، مارچ 1986ء
• آغا جمیل کاشمیری ، یعقوب یاور: کلیاتِ آغا حشر کاشمیری، مطبوعہ قومی کونسل برائے فروغ اردو زبان، نئی دہلی، بھارت، اپریل 2004ء
• سید فیاض محمود: تاریخ ادبیات مسلمانان پاکستان و ہند، جلد 10، مطبوعہ پنجاب یونیورسٹی، لاہور، فروری 1972ء
• ڈاکٹر شبنم حمید: آغا حشر، شخصیت اور فن، مطبوعہ یونیورسٹی آف الہٰ آباد، لکھنؤ، 2005ء