آصف سعید خان کھوسہ
آصف سعید خان کھوسہ پاکستان دی عدالت عظمیٰ دے 26ویں منصف اعظم ہن۔ اوہ 21 دسمبر 1954ء کوں ڈیرہ غازی خان وچ ڄمیے ہن۔ گورنمنٹ کالج لاہور توں بی اے تے جامعہ پنجاب توں انگریزی وچ ایم اے کیتا۔ انگلستان توں قانون دی تعلیم حاصل کیتی تے 26 جولائی 1976ء کوں وکیل بݨیے۔ سید یوسف رضا گیلانی توہین عدالت مقدمے وچ انہاں دے لکھیے اضافی نوٹ "حیف اس قوم پر" دی ٻہوں شہرت تھئی۔[١]
ابتدائی حیاتی
[لکھو | ماخذ وچ تبدیلی کرو]آصف سعید خان کھوسہ ڈیرہ غازی خان، سرائیکستان وچ ڄمیے ہن۔ انہاں دا تعلق پاکستان دے بلوچ قبیلے کھوسہ نال ہے۔ انہاں نے 1969ء وچ ملتان بورڈ توں میٹرک دا امتحان پنڄویں پوزیشن نال پاس کیتا تے ولا پنجاب کالج یونیورسٹی لاہور وچ داخلہ ڳھدا جتھوں انہاں نے لاہور بورڈ توں انٹرمیڈیٹ دے امتحان وچ پہلی پوزیشن حاصل کیتی۔ 1973ء وچ انہاں نے گورنمنٹ کالج لاہور توں پنجاب یونیورسٹی دے بی اے دے امتحان وچ اڳلی پوزیشن حاصل کیتی۔ جامعہ پنجاب دے دور طالب علمی وچ اوہ ابوالاعلیٰ مودودی تے نعیم صدیقی (تحریک اسلامی پاکستان دے بانی) توں متاثر ہن۔