آشفہ ریاض فتیانہ

آشفہ ریاض فتیانہ (اردو: آشفہ ریاض فتیانہ، کنوں) (جنم: 7 جنوری 1965ء) ہِک پاکستانی سیاست دان زنانی ہِے جہڑی پنجاب دی موجودہ وزیر برائے زنانیاں دی ترقی ہِن۔ اُوہ 13 ستمبر 2018ء کنوں آپݨے عہدے اُتے لڳی ہوئی ہِن اَتے اگست 2018ء کنوں پنجاب دی صوبائی اسمبلی دی رکن ہِن۔

ابتدائی حیاتی اَتے تعلیم

آشفہ ریاض فتیانہ نے 1990ء وِچ پنجاب یونیورسٹی کنوں گریجویشن کِیتی۔

سیاسی حیاتی

اُون٘ہاں 2002 دے پاکستانی عام انتخابات وِچ حلقہ پی پی 88 (ٹوبہ ٹیک سنگھ-5) توں آزاد امیدوار دے طور تے پنجاب دی صوبائی اسمبلی کِیتے منتخب تِھئیاں ہَن۔ اُنہاں نے 29,559 ووٹ حاصل کِیتے اَتے نازیہ راحیل کوں ہرا ݙِتّا۔ 24 نومبر 2003 کوں، اُنہاں کوں وزیر اعلیٰ چوہدری پرویز الٰہی دی صوبائی پنجاب کابینہ وِچ شامل کِیتا ڳیا اَتے اُنہاں کوں انسانی حقوق دے اضافی وزارتی قلمدان دے نال، زنانیاں دی ترقی دی صوبائی وزیر مقرر کِیتا ڳیا۔

جون 2004 وِچ، اُنہاں کوں سماجی بہبود دا اضافی وزارتی قلمدان ݙِتا ڳیا۔ اُنہاں نے 30 نومبر 2006 تائیں زنانیاں دی ترقی، انسانی حقوق اَتے سماجی بہبود دی وزیر دی حیثیت نال خدمات انجام ݙِتیاں۔ یکم دسمبر 2006 کوں، اُون٘ہاں زنانیاں دی ترقی کِیتے پنجاب دی صوبائی وزیر دے عہدے تے فائز تِھئیاں۔

اُون٘ہاں 2018 دے عام انتخابات وِچ حلقہ پی پی 122 (ٹوبہ ٹیک سنگھ-V) توں پاکستان تحریک انصاف (پی ٹی آئی) دی امیدوار دے طور تے پنجاب دی صوبائی اسمبلی کِیتے دوبارہ منتخب تِھئیاں۔

12 ستمبر 2018 کوں، اُنہاں کوں وزیر اعلیٰ سردار عثمان بزدار دی صوبائی پنجاب کابینہ وِچ شامل کِیتا ڳیا۔ 13 ستمبر 2018 کوں، اُون٘ہاں پنجاب دی زنانیاں دی ترقی دی صوبائی وزیر دے عہدے تے فائز تِھئیاں۔