آزادی دا مجسمہ

تصویر اچ آزادی دا مجسمہ (Statue of Liberty) توساں ݙیہدے پیو.

آزادی دا مجسمہ امریکہ دے شہر نیویارک وچ واقع ہک جزیرے تے کھڑے۔ اینکوں "لبرٹی آئی لینڈ" آکھیا ویندے۔ اے مجسمہ امریکہ تے فرانس دی دوستی دی نشانی دے طور تے فرانس نے امریکہ کوں تحفے وچ ݙتا ہئی۔

مجسمے دے سڄے ہتھ اچ torch (مشعل) ہے ڄہڑی آزادی تے روشنی دی علامت ہے۔ او ٻے کھٻے ہتھ اچ ہک تختی چاتی کھڑی ہے جیندے اُتے جولائی 4، 1776 دی تاریخ رومن اعداد اچ لکھی کھڑی اے۔ اے اوہ تاریخ ہے جݙݨ امریکہ آپݨی آزادی دا علان  کیتا ہئی۔

مجسمے دا  تاج وی ہے جیندے وچ ست شعاعواں ہن، اے دنیا دے ست براعظماں دی علامت ہن۔ تاج وچ چڑھݨ کیتے پوڑیاں وی موجود ہن جھتاں چڑھ تے نیویارک شہر دا خوبصورت منظر ݙٹھا ون٘ڄ سڳدے۔

مجسمے دا اصل مقصد امریکا اچ آزادی تے جمہوریت دے اقدار دی نمائندگی کرݨ تے پوری دنیا دے لوکاں کوں اِنھاں اقداراں دی قدر کرݨ دا پیغام ݙیوݨ ہے۔ اے مہاجرین تے تارکین وطن کیتے استقبال تے امید دی علامت وی ہے۔

شان سرائیکی