آخوند زادہ سیف الرحمن

آخوند زادہ سیف الرحمن ہک روحانی رہنما ہن جیڑھے سلسلہ نقشبندیہ مجددیہ نال تعلق رکھدے ہن۔ اوہ عام طور تے حضور مبارک سرکار دے ناں نال مشہور ہن۔ او10 اگست 1950ء کوں افغانستان دے صوبہ ننگروچ ڄمیے ہن۔ انہیں مختلف شہریں دا سفر کر کے دینی علوم حاصل کیتے تے14 توں ودھ علوم اچ مہارت حاصل کیتی۔

انہیں شاہ رسول طالقانی توں بیعت کیتی تے انہیں دے وصال دے بعد مولانا محمد ہاشم سمنگانی دے ہتھ تے بیعت کیتی جئیں نے انہیں کوں خلافت عطا کیتی۔ آخوند زادہ سیف الرحمن سلسلہ سیفیہ دے بانی ہن جیڑھا اہل سنت والجماعت دے حنفی مسلک نال تعلق رکھدے۔ انہیں دے لکھاں مریدین تے ہزاراں خلفاء ہن جیڑھے اڄ وی سلسلہ سیفیہ دی تبلیغ کریندے پائن۔ انہیں دی وفات 28 جون 2010ء کوں تھئی۔