آخن دی جنگ 1944
آخن دی جنگ 1944
[لکھو | ماخذ وچ تبدیلی کرو]آخن دی جنگ ، ݙوجھی عالمی جنگ دی ہک وݙی بھڑاند ہئی ، جیڑھی 12 ستمبر توں 21 اکتوبر 1944 دے درمیان جرمنی دے شہر آخن اتے ایندےنیڑے تیڑےامریکی اتے جرمن فوجاں دے درمیان لڑی ڳئی ۔ ایہ شہر جرمنی دی پچادھی سرحد تے موجود سیگفرائیڈ لائن دا حصہ ہئی ، جیڑھی جرمنی دی مرکزی دفاعی لائن ہئی ۔ اتحادی فوجاں دی خواہش ہئی کہ او اینکوں جلدی فتح کر تے صنعتی علاقے روہر وچ داخل تھی ونڄن ۔ بھانویں جو جنگ شروع تھیوݨ توں پہلے آخن دی زیادہ تر شہری آبادی کوں کڈھ ݙتا ڳیا ہئی ، پر جنگ وچ شہر دا وݙا حصہ تباہ تھی ڳیا اتے ݙوہیں پاسیاں دا باری جانی نقصان تھیا ۔
آخن دی جنگ ہک خونی اتے طویل جنگ ہئی ، جیندے وچ امریکی فوجاں کوں جرمن فوجاں دی سخت مزاحمت دا سامݨا کرݨا پیا ۔ جرمن فوجاں شہر دی دفاعی لائن کوں مضبوط بݨایا ہویا ہئی اتے او ڳلی ڳلی لڑیئے ۔ امریکی فوجاں فضائی حملیاں اتے توپ خانے دے استعمال دے ذریعے شہر تے قبضہ کرݨ دی کوشش کیتی ، پر جرمن فوجاں تکڑائی نال مقابلہ کیتا ۔
جنگ دے دوران ، آخن شہر دا وݙا حصہ تباہ تھی ڳیا ۔ عمارتاں ، سڑکاں اتے انفراسٹرکچر برباد تھی ڳیا ۔ ݙوہیں پاسیاں دے ہزاراں فوجی اتے شہری ماریئے ڳئے ۔ چھیکڑبازی ، امریکی فوجاں جرمن فوجاں کوں شکست ݙے تے آخن تے قبضہ کر گھدا ۔
آخن دی جنگ ݙوجھی عالمی جنگ دے وݙے معرکیاں وچوں ہک ہئی ۔ ایندے وچ اتحادی فوجاں کوں جرمنی دی مضبوط دفاعی لائن دا اندازہ تھیا اتے ایندے نال روہر دے صنعتی علاقے وچ وِکھ ودھائی دا رستہ کھل ڳیا ۔ ایں جنگ وچ شہری آبادی دے نقصان اتے شہر دی تباہی جنگ دے دردناک اثرات کوں ظاہر کیتا ۔