آب۔ ست دریا

ست دریاویں دی سرزمین سرائیکی وسیب جینکوں سندھ وادی دریاویں دی وادی آکھیا ویندے۔3000 قبل مسیح وی اپݨے عروج تے ہئی۔ اجٖاں ٻئی  پتھر دے زمانے وچ رہندی پی ہئی پر سرائیکی وسیب پتھر دے زمانے وچوں نکلدا آیاہا، وسیب دے دریا ویں ہر پاسے اناج تے ساول پیدا کر ݙتی ہئی اتھاں تہذیب پیدا تھئی، لوک گھر تے شہر پئے ڳے، دیرے دی رحمان ڈھیری ، حسام ڈھیری، مندرہ کلاں، کافر کوٹ (بلاٹ) ہند یرے (تے میاں نور دے کھنڈرات نشانیاں ہن۔دنیا دی قدیم کتاب رگ وید سرائیکی وسیب دے دریا سندھ دے آس پاس لکھی ڳئی۔ قدیم کتابیں اِچ ست دریاویں دا ذکر ملدے۔ رگ وید وچ جیرھے اشلوک لکھئے ڳن انہاندی تعداد ہک ہزار توں زائد اے اشلوک د ریائے سندھ دے کنارے آباد وستیاں وچ بہہ تے لکھئے ڳے۔(بحوالہ دیرہ مکھ سرائیکستان ، مصنف عباس سیال )۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء