آئن سٹائن دے خصوصی نظریہ اضافیت

1۔ روشنی دی رفتار کݙاہوں تبدیل نئیں تھی سڳدی۔ روشنی سفر کریندئیں ہوئیں اگر کہیں میڈیم یا واسطے اچ داخل تھی ونڄے تاں اوندی رفتار اچ فرق آ ویندے لیکن جونہی روشنی اوں واسطے کنوں نکلدی اے تاں ولااپݨی اصل رفتار پکڑ گھندی اے۔  

2۔ مشاہدہ کرݨ والے کہیں خاص قالب اچ یعنی حالت سکون یا یکساں رفتار نال سفر کرݨ والی حالت اچ فزکس دے قانون ہکو جیہاں ہوندن۔

ایندا مطلب اے ہے جو ہک فرضی مشاہد)مشاہدہ کرݨ والا( جیڑھا اضافیتی ذرے نال سفر کریندا پیا ہوسی تے ہک ٻیا مشاہد جیڑھا تجربہ گاہ اچ ساکن ہوسی، ݙوہیں تے فزکس دے قانون ہکو جیہاں لاگو تھیسن۔ اے نظریہ آئن سٹائن نے 1905 اچ پیش کیتا۔

حوالہ

کتاب: کائنات دا سفر ، مصنف : جعفر عباس بزدار ، ناشر: جھوک پبلشرز ملتان